شعر عن الطفولة

السلام عليكم ورحمة الله وبركاتة
احب اقدملكم شعر عن الطفولة

ليه تبحث وتسال عـن سنيـن الطفولـه
وانت يا صاحبي تبخصنـي وذكرياتـي
تنقض الجرح ما تدري وباقصى سهوله
واجلس شهور اخيط الجرح واجمع شتاتي
كل جرح ٍ اخيطه عندي اكبـر بطولـه
آآآه يا كثر اوسمـة ٍ جمعـت بحياتـي
فرحتـي بالطفولـه بالهمـوم مغيولـه
عين غرقى وبسمه حايره فـي شفاتـي
كل طفل ٍ اهله اليا طلـب وفـروا لـه
وآنا طفل ٍ ادور مطلبي فـي عصاتـي
وفرحة العيد عندي مثل طرف الخجولـه
ولون حزني بعيـدي صابـغ ٍ اغنياتـي
كنت انا مثل صاحي بين نـاس مهبولـه
ما عرفت اتعامـل معهـم الا بسكاتـي
فاقد ٍ شيء يسوى الكون عرضه وطوله
حضن دافي يحسسنـي بكونـي وذاتـي
وكمل اليوم عمري ربع قرن وفصولـه
كلهـا بالخريـف ولا قطفـت ثمراتـي
شاب بالمظهر ولكـن اعيـش بكهولـه
شاب قلبي بعـد مـا شيبـت امنياتـي
حزن عاث بشبابي بين صولـه وجولـه
واحمد اللي عطانـي بالمواقـف ثباتـي
ودام يا صاح باخصني بسـن الطفولـه
ليه تسأل وتبحث فـي خفـا ذكرياتـي

اتمنى انو هذا الشعر يعجبكم

السلام عليكم ورحمة الله وبركاته
كيفك رهومه حبيبتي عساكي بخير
ابصراحه الشعر عجبني مرررررررره
الله يعطيكي الف عافيه يارب
على طرح الموضوع الاكثر من رائع
الشعر كان مره حلو

أهلا يارهومة هذا أجمل شعر شفت بحياتي